李綺雯（𡃁妹）17歲參加亞視女優選拔賽奪冠入行，現年35歲的她仍然保持着一張童顏，所以經常在劇集飾演較為年輕的角色。

最近，有網民在「連登」討論區出Post，大讚𡃁妹和38歲的唐寧是「童顏極限」：「𡃁妹Keep得好」、「𡃁妹而家染金髮扮20頭MK妹冇難度」，仲有好多網民話係睇住𡃁妹2005年主持的亞視節目《開心大發現》長大。

點撃睇𡃁妹回應網民：

沒想到𡃁妹有留意帖文，更在IG限時動態公開感謝網民支持，不過她覺得唐寧比自己更靚更童顏：「（唐寧）皮膚勁好、冇毛孔冇皺紋、睫毛長長。」她還透露很多藝人都有睇「連登」討論區，害怕網民會因此而未能暢所欲言：「其實你哋想唔想當事人睇到？我咁入去睇會唔會唔係幾好？好似撞破人講秘密咁，你哋會唔會講得唔暢快？」得知網民支持自己，𡃁妹非常感動：「得到大家偏向好嘅正評，要喊嘅會唔會係我？」

點撃睇更多𡃁妹在2008年《尖子攻略》的樣子同而家的靚相：