「牛雜妹」李亦喬（Monnie）日前接受香港開電視主播馬梓軒訪問，她表示與家人於元朗經營麵店十七年，受新冠肺炎疫情影響，加上政府對食肆的防疫新措施，生意面臨前所未有的考驗：「舖頭全盛時期可以坐滿十一枱客，外面再加六、七張枱！但依家多數時間都『拍烏蠅』，有時全日得幾枱客，少咗八、九成生意！」

雖然麵店經營困難，但Monnie稱不會輕言放棄，近來亦令她感受到一份人情味：「因為我哋做咗好多年，業主好好，租金可以輕微下調！而舖頭主要員工都係屋企人，加上來貨都係由爸爸親力親為去街市買返嚟，所以減省咗好多開支！一家人齊心合力，舖頭暫時都頂得住！」

在疫情嚴峻下，Monnie亦肩負重任協助家人張羅口罩，她指：「前排口罩真係唔夠，因為我屋企一家九口，加上我父母每日喺舖頭工作十幾個鐘，都想佢地定時更換口罩，所以屋企嘅用量都好大！感激好多朋友幫我搵到口罩，解決到燃眉之急！」