G-Dragon最為內地茶人飲品牌代言：花開了，我回來了

去年10月退伍嘅G-Dragon（GD），原定今個月同隊友T.O.P、大聲以及太陽出席美國知名音樂節 Coachella Festival，無奈因為疫情關係，音樂節將延期至年底。雖然BIG BANG合體受阻，但錢都係要搵的。去年GD退伍後，音樂上未有大搞作，但其個人品牌PEACEMINUSONE與Nike合作，聯名Air Force 1「Para-Noise」系列，唔少潮人、藝人都爭住著，成功製造不少話題。

近日GD又接到代言廣告，不過合作方是屬於內地的，其實BIG BANG早在三年前已經同呢個茶類品牌合作，並推出有佢哋靚樣嘅包括像品。三年後再次交手，雖然暫時只得GD一個，不過VIP一樣咁支持，今早品牌於官博發文表示：「花開了，我回來了！」短短半天已狂吸逾70萬個Like。而在品牌嘅天貓旗店，由於購買商品可獲取有FD靚樣嘅海報、人形立牌等贈品，個多小時內已有3萬多嘅預購成績。