最新一集《後生仔傾吓偈》全女班上陣，因為講嘅話題係「八婆」。眾人先後發表了「八婆」嘅特徵，當中包括對唔同人有唔同聲調、狂噴香水 、滿手飾物、有幾個IG帳戶等等。馮盈盈表示：「因為而家其中一個睇蛛絲馬跡，係睇限時動態而唔係睇post，因為post一定係諗過度過，唔會比你睇得出啲咩，但即興story成日出事。但睇story又會有記錄，所以最好係開幾個帳戶，一個用嚟留言、一個用嚟睇限時動態。」

之後盈盈又提到八婆特徵之一係特別多飾物，因為咁先可以乘機曬命，另外，她又提到被MK仔譽為史上最偉大發明嘅斜孭袋，通常都係八婆恩物。「𠝹波袋（斜孭袋）真係一石二鳥，首先呢個chain bag通常都會係名牌，一睇就知係邊個牌子出嚟，加上呢個設計，擺喺心口，可以曬埋其他嘢，話比你聽我除咗呢個資產外，仲有其他assets，一物二用。睇條鏈再睇下條鏈下面……個袋，一直咁𠝹落去。」

八婆表情逐格睇