無綫節目《安樂蝸》經常發掘不同家居，睇下設計師如果將蝸居打造成dream house。最新一集介紹嘅單位只得287平方呎，既要放置八件嵌入式家電，又要展示2百多隻模型公仔，難怪設計師都話大挑戰。

同唔少蝸居一樣，節目介紹嘅單位喺睡房打造了一個收納性高嘅地台，並以玻璃拉門分隔睡房同客廳。地台面積放得落雙人床之餘，仲有位放衣櫃，兼且有足夠空間比屋主所養嘅貓貓走動。另外，由於屋主鍾意煮嘢食，所以開放式廚房有齊晒焗爐、微波燼、雪櫃等電器，不過由於全部都係嵌入式，所以一啲都唔覺得擠迫。

不過，講到全屋最搶鏡，一定係喺電視台旁嘅二百多隻模型公仔，全部都整整齊齊咁放喺模型櫃之中，再加上射燈，如同show room。而為咗可以有更多空間，客廳係無沙發的！想欣賞啲模型？只能夠站立，又或者喺開放式廚房嗰兩張高椅凳。