梁潔華設靈|黃日華安排力臻完美送別愛妻:我太太生前好鍾意扮靚

撰文:秦志鴻
出版:更新:

黃日華愛妻梁潔華上月26日因器官衰竭病逝,終年59歲,今日(13日)於紅磡世界殯儀設靈。

靈堂以白色布置為主。(葉志明攝)

梁潔華設靈|黃日華寫信悼亡妻 一字一淚:咪擔心我呢個孤獨老人

黃日華與黃芷晴父女,約於下午3時半左右步出殯儀館門外接受傳媒訪問,面容帶點憔悴:「今日辛苦大家,因為今日真係忙,入面都有好多嘢要處理。(會放置什麼作為陪葬?)都係佢平時鍾意嘅衫褲鞋襪呀,一般人會擺嘅都會擺落去,包括戲服。我哋會盡量做到最好為止。因為我太太生前都好鍾意扮靚,佢哋最後一程,想畀個美好嘅回憶佢。」

提到太太的遺願,黃日華即時指向身旁的女兒黃芷晴,並示意會好好照顧女兒,而芷晴亦稱會好好照顧爸爸,希望可以在喪禮完成後,為母親圓夢:「媽咪生前都諗住下年做一個粵曲嘅表演,咁佢完成唔到,希望嚟緊可以幫佢實現。(會代媽咪演出?)我冇媽咪咁好嘅功力,希望做一啲統籌同小禮物。同埋今次我都幫佢整咗有一本小冊子,都係我幫媽咪做嘅,係一啲生前嘅畫作,同埋有啲創價學會裏面嘅金句嚟勉勵大家。」