黃家駒逝世27周年　唐寧貼合照悼念「二哥」

眨下眼Beyond主音黃家駒已經離開咗27年，6月30日係家駒死忌，圈中好友都有發文悼念。曾經於電影中同家駒飾演兄妹嘅唐寧，呢日喺IG上載二人合照。

童星出身嘅唐寧1991年即係10歲嘅時候，參演電影《Beyond日記之莫欺少年窮》，與黃家駒飾演兄妹，唐寧上載一張二人合照，寫上「二哥」，悼念呢位大哥哥。唐寧曾經喺接受訪問時，憶述當年合作家駒相當照顧自己，拍戲最後一日感到不捨忍唔住喊。後來睇新聞得知惡耗，一路返學一路喊，最終無去到佢喪禮，但寫咗封信偷偷燒俾家駒。多年過去亦一直覺得家駒好似無離開長駐心中一樣。