愛回家︱蘇韻姿拍劇搏到盡　「吊威也」腋下瘀晒毫無怨言

蘇韻姿（Andrea）憑在無綫（TVB）處境劇《愛．回家之開心速遞》中飾演熊心如一角而為人熟悉，今晚（9/7）播出的一集就講到她意外獲得超能力，十足十超級英雄般非常有型。但型背後所付出的代價，就是要忍受「吊威也」帶來的瘀傷，雖然有打女何佩珉當替身，不過蘇韻姿的兩邊腋下位置都被弄瘀，敬業的她未有叫辛苦，仲感謝劇組達成她拍打戲的夢想。

蘇韻姿在IG寫着：「今晚嗰集大家一定要睇！我第一次有得吊威也同埋第一次拍打戲。今次嘅體驗令到我發覺原來…我好鍾意㗎！今次絕對係我做演員其中一個夢想，非常開心可以實現得到！要超級多謝監製，導演，武指，替身，pa’s，所有當日令到拍攝順利嘅人，因為我諗我成世女最型係今次㗎啦！#我的超能夢想成真」，網民表示心痛：「辛苦晒！為工作盡力，保重！」、「傷得好重！」

點撃睇更多蘇韻姿靚相：