區永權日前獲與好友程瑤老公朱仲賢邀請，到理工大學出席分享會，大談如何在疫情下調節心情。雖然不少行業的工作量因疫情大減，但區永權希望大家不要氣餒：「工作係少咗，我都好掛住個舞台，好想做不同類型活動的司儀，可能大家會為生活擔憂，但凡事總會捱過去，也許現在多了時間陪家人，多了時間休息，但亦係一個好機會比自己思考，或者去試試其他範疇發展，推動自己去進步，也是一件好事。」

向來熱愛音樂的區永權透露雖然要留在家中抗疫，但他忙個不停，除了教小朋友功課，也會一家人一起Jam歌，更笑言與老婆開Live唱歌比自己更受歡迎，他笑說︰「一直都有同家人玩音樂，估唔到老婆好受歡迎，好多人都估唔到佢唱歌好聽，可能之後佢自己一個開Live就得，我都係做番觀眾好啲。」

朱仲賢的活動製作工作亦因疫情受到重創，他坦言現在已將部份活動轉型到網上舉行：「以前經常同好多演藝朋友合作做騷，好似區永權咁，以前成日見，但疫情下已經好耐冇見，真係好掛住佢哋，好掛住做騷的感覺。」