楊秀惠36歲生日林宣妤專誠到賀 壽星有女萬事足:媽媽愛你
撰文:洪曉璇
出版:更新:
楊秀惠4月宣佈秘密喺馬來西亞產下囡囡,5月離巢工作16年嘅TVB,一直留喺大馬同家人一齊湊囡囡享受天倫樂。7月20日係楊秀惠36歲生日,佢親自喺戶外佈置成外國風粉紅生日派對,好朋友林宣妤仲專誠穿州過省為佢慶生。
有女萬事足嘅楊秀惠,喺IG分享一手一腳佈置嘅生日會,手抱囡囡嘅佢面露幸福笑容:「我的小寶貝,你就是媽媽最棒的生日禮物,媽媽愛妳﹗每次見到她的笑容心都會融化。」好朋友林宣妤由吉隆坡去到新山出席生日會,仲有岑杏賢雖然無法到場都越洋以視像送上生日祝福。
離開幕前後楊秀惠除咗繼續網上美容生意,亦嘗試自己有興趣嘅事物:「一直很想嘗試餐桌佈置,這次自己的生日終於第一次嘗試了。用了非常簡單的餐具、燈、桌布、椅套,再配上花,成功製造出浪漫的感覺,讓生活充滿些簡單的儀式感,製造一些小幸福﹗#拍照的蛋糕桌也是自己佈置 #雖然當了媽媽還是想滿足一下自己的少女心。」
+11