TVB黃金時段兩線劇集都有份演出嘅吳嘉儀，呢日喺IG上載照片，原來佢意外被𠝹刀插傷腳血流如注，即使照片已黑白處理，仍見到左腳血染紗布，阿七自嘲係：「容易受傷的女人。」

連日來吳嘉儀喺網上分享搬屋情況，原來仍就係因為執屋開箱時，鎅刀拆箱太大力一拉，成把鎅刀飛高再插落左腳，搞到一地血嚇壞男友。佢留言話：「昨天自己不小心發生了家居意外受傷了，心情不好，有微發燒。由博愛醫院轉送到屯門醫院檢測觀察，留院一晚，（新冠肺炎）檢測結果negative（陰性），現在留醫骨科，希望可以盡快聯針回家。」最終傷口縫咗六針，吳嘉儀亦喺IG報平安話已返屋企休養，仲話約定大家過幾日《反黑路人甲》宣傳活動見。