47歲嘅范振鋒今日在IG發文宣告正式離巢，結束近10年的賓主關係：「唔經唔覺今次簽約近10年了！感激多謝TVB各位同事、管理層、俾個機會及合作過的監製！希望將來有機會再合作！江湖見！」

TVB近年嘅「一騷約」令不少藝人離巢，有傳范振鋒決心離巢亦係因為「一騷約」。94年加入TVB嘅范振鋒曾與TVB簽過歌手、演員合約，除娛樂新聞台嘅《范後感》外，亦有主持J2台嘅《兄弟幫》、《Cool Guide》以及翡翠台嘅《夜宵磨》。今年一月，《兄弟幫》播完2505集後宣告停播 ，范振鋒之後只獲安排上《流行經典50年 》，未有其他工作。回復自由身嘅范振鋒將繼續在新城電台開咪，另外亦有電影工作，不過他亦透露過去因疫情關係，收入損失近7位數字。