何雁詩（Stephanie）和鄭俊弘（Fred）昨日進行過大禮儀式後，今日（5/10）就現身尖沙咀，為前者新歌《基本戀愛套路》拍攝MV。談起昨日過大禮儀式，二人都覺得記憶猶新，其中Stephanie就對陳瀅、蔡思貝、賴慰玲等好姊妹搶嫁女餅一幕印象深刻：「我嗰班姊妹不嬲都係好踴躍嘅人，噚日有一個過程畀佢哋搶嘢，實在好啱佢哋呢班『小師奶』！」

被問到當刻是否感動到眼濕濕，Stephanie透露全場只有蔡思貝忍不住淚水：「佢噚日見到我哋咁開心，佢都忍唔住喊，我哋講笑話要獎多個飯盒畀佢。」二人決定婚禮將如期在下個月舉行，所有儀式一切從簡，而婚宴就留待下年才補辦。

早前Stephanie在訪問中重提未婚夫3年前一腳踏兩船的傷痛，今日談起此事，二人都坦言早已忘記過往不愉快記憶，望向將來，期待下個月的婚禮。