年僅20歲嘅游嘉欣，首次拍戲就有相當重戲份，於《香港愛情故事》中飾演校內風頭躉，佢接受《香港01》訪問時表示：「第一次收到劇本真係好緊張。」

「01最賞睇娛樂大獎」即日起至12月23日接受投票喇，答埋簡單問題，隨時贏最新5G手機12 Pro！

戲中游嘉欣追求者眾，但現實生活中就唔一定受落：「第一集就有人向我公開示愛，其實呢啲嘢自己覺得要有共識，但劇情係個陌生人，就會覺得好格硬嚟，當然我係會say no啦！」

首次拍劇就遇上接吻戲，游嘉欣就話：「我喺屋企睇播出，第一集就係miss戲，唔敢同屋企人一齊睇，真係好尷尬，希望佢哋唔好睇到呢集。本身比較保守，我知估佢哋睇完都唔會喺我面前提起。」