踏入2025年多位巨星先後殞落令人感想，3月10日早上突然有男星上載黑白照，定眼一看後令不少人反白眼鬧爆。

常分享育兒心得被稱「超級奶爸」的藝人何基佑，在親子界甚得家長們追捧儲下不少粉絲。3月10日早上他無預警上載自己的黑白獨照，上面寫住：「my work will miss me 10/3/2025 TO 13/3/2025」，不少網民被嚇壞：「黑白相+ 斜體日期，真係嚇親人」，有網民估計何基佑是要休假陪子女溫書考試，但未免玩大咗：「未睇清楚真係比你嚇一嚇☠️」、「嚇屎我喇～敏感時期❤️‍🩹一見到呢啲個心會離一離下次唔好玩喇🙏🏻」、「一啲都唔好玩！ 唔好再po啲咁嘅嘢唔該！」