兩屆視后胡定欣今日以大使身份與好姊妹黃智雯一起為國際培幼會慈善跑活動擔任嘉賓，並會跑3km，齊齊為慈善出力。胡定欣在接受訪問時表示：「我已經好ready，啲筋好鬆，因為平時都有跑開既。同埋今日只係跑3km，做慈善絕對無問題。」定欣又表示有跟黃智雯跑過步，但很少，指對方是跳舞界的。

胡定欣指對上一次與黃智雯一起跳舞已是胡說八道的騷上，她說：「但其實我哋私下都排咗一段舞既，但係未有機會表演，希望有機會啦。」問到早前在內地完成了音樂會演出的心情，胡定欣表示：「好開心呀，因為1月時去咗佛山，3月時去咗東莞，兩個地方既觀眾都係好熱情啦，我自己既感受就係第一場既時候好緊張，第二場有咗經驗喇，跟住就會可以放返鬆，好好咁可以再多啲enjoy，好開心亦都係我有香港既朋友特登去到內地支持我啦，同我一齊去分享呢個moment。」

問到定欣會否和男友一齊去做義工，她就表示男友的範疇跟她有些不同，對方的能力更加大：「佢真係落手落腳去幫助一啲醫療上嘅，我能夠做到嘅就係將當地嘅信息帶返嚟香港，比更多人知，再用自己嘅能力去幫佢。」至於可會找是誰出賣導致她的戀情曝光？胡定欣指並沒有這回事，自己一直都有和男友出街，也沒有掩飾的意欲，當天剛好被拍到，便順其自然公布戀情。對於早前網上有人自稱是胡定欣男友的師弟，聲稱定欣配不上男友，胡定欣坦言有問過男友，但男友表示不認識該人，又叫她不要介意。

問到胡定欣男朋友可有到場支持，她即時甜笑表示：「佢有去到，佢兩場都有去到。」一臉冧爆。她續說：我會覺得咁多年嚟都係透過劇集同戲劇去同觀眾交流，呢個時間有機會畀我做返我自己最鍾意做既嘢，唱歌去同佢哋交流又或者畀一個機會佢哋認識我，認識我自己本人，我覺得好開心有呢個機會。」

近日她們的閨密姚子羚被影到與徐少強和雪梨的兒子，現年42歲的星二代徐偉棟在將軍奧的酒樓飲茶撐枱腳後，再一起返回姚子羚的香閨，令這段姊弟戀曝光。問到可有關心閨密姚子羚最近是否拍拖了，胡定欣即笑言：「我轉頭打電話去問下佢。」又指要問問姚子羚的愛犬通叔。

另外問到胡杏兒老公李乘德被影到夜蒲攬女，問到她有否關心一下胡杏兒的心情，胡定欣說：「無啦，因為我自己覺得佢哋都會自己去處理既，我覺得反而外間唔認識既人會比我哋既反應大好多，我都會覺得點解要咁大反應？但係因為可能我哋識佢呀，我哋不嬲大家既相處都係好開心，我哋會Hug (擁抱)，我哋都係會咁囉。個新聞過去架喇。」