《中年好聲音3》今晚（13/04）為《林子祥金曲之夜》，12名參賽者爭奪10強位置。開場劉洋以《男兒當自強》技驚四座，就連原唱林子祥也對他讚不絕口，說他也是「鐵肺」，而他亦令海兒聽到十分興奮，拍爛手掌。

除此之外，曹越演唱《活色生香》時也被原唱林子祥讚賞有特色。「set埋頭，好落力，又跳又唱。我唱呢隻歌都唔會，因為寫呢隻歌嗰時要配合好誇張嘅戲份。」周國豐則覺得她的表演香艷，不過他就指出有毛病：「官能刺激係有嘅，但係唱嗰一句『水晶燈多璀璨』就有啲......（冇咗）好明顯地，你已經浪費咗啲氣。另外如果你成首歌多番啲溫婉嘅話，溫婉加多少性感就更好。」

張佳添說：「把聲未夠性感，唱得硬咗少少。」接着，肥媽就以一個非常之簡單的方法解釋：「佢哋講嘅你未必明，我講你就會好明。你唱呢隻歌唔夠姣。啱唔啱聽先？你兩個麻甩佬就係想咁嘅意思，但係講嘢又含蓄。」海兒又補充：「多少少，連音會更好。」隨後肥媽就叫海兒即席表演：「你唱嚟聽吓。」