蕭正楠（Edwin）與黃翠如的囝囝「蕭哈哈」在今年3月出世，榮升新手父母的兩人不時在社交平台分享湊仔日常，大曬幸福！而蕭正楠做了爸爸後更有動力工作狂賺奶粉錢，近日他就與好兄弟曹永廉一起在內地舉行演唱會，兩人更落力宣傳，反應熱烈，日前他們就與一位網紅合體拍片，但對方就用了超重手美顏Filter，令蕭正楠同曹永廉大變樣，可謂是「面目全非」！

日前蕭正楠同曹永廉在順德舉行演唱會時，更即場自嘲變「怪獸」，蕭正楠笑言：「好似早兩日喺佛山嗰邊有UFO嚟咗喎係咪呀？你知唔知有啲30年嘅TVB迷都話睇咗TVB 30年，都認唔到呢兩個人！」其後他又在IG分享被P圖後的效果圖，並寫道：「有網友見我做咗一排爸爸，感覺憔悴了很多，很好心地幫我P圖🤨好多謝你嘅心意，不過其實只要去返工作狀態，都….OK嘅😅」相中所見，蕭正楠驚變大眼尖下巴，尤其是鼻的部分離奇高挺瘦削，與真實的他大不同！