「首屆亞姐冠軍」黎燕珊（珊姐）今日（07/6）嫁女之喜，大女劉詠詩（Wynce）與從事IT界的男友鄭健民（Kenneth）去年註冊結婚，女兒出世後再於今日補擺喜酒。黎燕珊接受訪問時，表示為了女兒的喜酒而暫時放下舞台劇《雷雨》的排練，幫忙籌辦。

黎燕珊也說：「好開心呀，開心過自己嫁！因為佢人身歷程好圓滿，今日又攞畢業證書，結婚。咁我就等阿仔（結婚）啫。」黎燕珊對女婿更讚不絕口，大讚他有負責心，有「膊頭」。

新郎分享「愛的宣言」：「承諾照顧佢，同埋我小朋友，一生一世。」黎燕珊又透露，大女和老公是在part-time工作中認識。她也分享，買了兩對龍鳳鈪，一對給了大女，另一對則放在夾萬，留待兒子結婚時送給未來新抱。

人生目標又完成一件，下一目標是什麼？黎燕珊回答：「專注工作，我都感恩嘅。佢哋而家有晒自己家庭、伴侶，我反而孤單一人，孤單一人反而有自己喜好，工作。我都仍然冇放棄過尋找我嘅Mr. Right。我都覺得自己幾好呀，點解未有Mr. Right出現，係有嘅，不過要穩定啲先同大家講。」