陳卓賢Ian今日(13日)現身觀塘出席日本藝術家上野陽介藝術展活動，提到早前與愛犬雞髀齊齊影雜誌，Ian大讚雞髀超乖，但完全不考慮為牠再接工作：「間唔中OK，佢出嚟影係想同佢影輯相留念，通常我影佢多。我會暫時努力賺錢養佢，未使佢出嚟搵家用，希望大家畀多啲工作機會我。上次影完嘢佢好攰，我唔忍心見佢流眼水，所以今次係留念，大家有好回憶。」

Ian即將到澳門舉行最後一站巡唱，他表示會盡量還原香港站細節，「有啲依依不捨，tears變咗自己同觀眾美好回憶，自己有諗緊下一個solo演唱會主題。」完成澳門巡唱後，Ian表示會開拍團綜，雖然想在家中拍攝，但卻堅拒屋企曝光，又拒絕讓雞髀出鏡齊齊拍攝。

至於花姐的「我最喜愛等如冇實力」言論惹抨擊，Ian自言近日忙於準備巡唱，剛才得悉有關報道：「冇留意，啱啱做訪問先知，唔知佢原句係點樣。我道聽途說未必係事情嘅真實一面，要再了解吓，純粹猜測唔係話個獎唔重要，我估係想話我哋知嘅訊息。其實佢以前都講過，希望我哋係要不停增進自己實力，可能佢表達同大家接收唔同。」