《2025香港小姐競選決賽》已圓滿落幕，各獎項亦已經塵埃落定。原來今年正是十優港姐麥明詩當選冠軍十周年。剛成新手媽媽的LOUISA亦放下囝囝，抽空支持港姐決賽：「10年一瞬。」

麥明詩是2015年港姐冠軍，頂住10A尖子頭銜，由初選已成為大熱門，亦順利奪冠。直至2019年考律師牌後轉型減少螢幕前工作。去年與機師男友盛勁為結婚，今年3月榮升人母。麥明詩指做咗媽咪後「第一次坐定定睇電視」就係欣賞星期日晚舉行嘅港姐決賽，順道上載當年與亞軍龐卓欣、季軍郭嘉文及友誼小姐林凱恩珍貴合照，4人雖然各有發展但感情相當不錯，而且外貌都未有太大改變。