柳應廷（Jer）昨日宣佈將於11月30日及12月1日在亞博開兩場《Jer Lau “The Shape of Breathing” Live 2025》演唱會，但其海報設計就有網上引起爭議，有網民發文指，自從魯庭暉離開MakerVille後，就連團隊審美都退步，批評Jer這張海報似「劣質P圖」，「我懷疑魯生走左（咗）之後，makerville轉左（咗）搵初中生做graphic，阿Jer呢張相去底會唔會去得太差？」指海報中「退地」褪得差，邊界有種奇怪感。

向來甚少與網民駁火的Jer，亦因而罕有動怒，他發文：「真心嬲左（咗），呢個世代真係全民designer？em… 想講張相淨係較左（咗）顏色，用左（咗）Filter，同較唔同地方既（嘅）陰影位。冇大家所指既（嘅）小學生退地，p圖同ai。」他貼出相片原圖作對比，又叫網民批評前諗多諗，因為每個作品背後都是很多人的心血：「講野（嘢）前可以諗下背後concept，整piece／背後嘅人，付出左（咗）幾多時間同心機。btw 你地（哋）所見呢一張相出街嘅相，淨係調整都整左（咗）30幾個version」。

不過都有網民不收貨，指：「成日都話用好多心機，用得心機多就一定唔可以批評？」、「好揀唔揀，揀用呢張相，『鬆郁矇』都照用」、「出得街嘅嘢，預咗有批評聲音，係咪想大家做誇誇群？整咗咁多個version，咁又點？點解整完都係咁？」另一邊廂也有網民留言支持Jer，認為海報沒問題，是一種叫「LOD(level of details)」的當代藝術設計風格，認為該尊重設計者，也有人留言：「每一個出得嚟見人嘅（設計）一定經過千錘百鍊，得到佢本人approved，但審美眼光人人不同，請大家用多啲時間去了解創作背後嘅理念先，創作團體嘅心血你可以唔欣賞，但請客觀有禮咁評論，所有創作都係心血。」、「當本人都不覺得張海報醜，旁人又有什麼需要說？」、「如果真係成日有跟影相，都會知道好多時齋用閃燈都會做到退地效果。」