早前因熱氣球節而在網上爆紅的「苦主」何小姐（Dreamy，又名Botan），因字字珠璣而被人留意，除了被網民發現她原來是美食網紅外，還被人揭發不少「黑歷史」。早前有苦主指她於疫情前經營的playgroup在無預警下結業，而一眾家長無法取回退款，以致欠下一大筆錢，還有網民大爆何小姐於蠶豆症媽媽群組中，同樣欠下苦主一大筆錢。原來除了Playgroup及媽媽群組外，她過往還有一班苦主，藝人陳佩思就是其中一位。

陳佩思早前爆出14年前與何小姐合作做生意，二人當年合作開零食店，營運初期陳佩思負責入貨，而何小姐負責管數。最初陳佩思未發現有異樣，直到收到法庭通緝信才發現問題。陳佩思更指何小姐當年的男朋友Herbert最後亦變成苦主，因為他為何小姐做租約擔保人，最後何小姐失了蹤，欠下租約的錢更由Herbert「按咗層樓填租金」。

今日（25日）陳佩思在社交平台貼了一張對話圖出來，應該是何小姐見到報道後，找上陳佩思解釋當年發生的事情。何小姐先跟陳佩思道歉，之後向她表示自己「一夜之間乜都無唒（晒）」，之後還去了外國留學，回香港後又沒有時間去找陳佩思，但自己不想因為這個誤會而少了一個朋友。

何小姐道歉全文如下：

Sorry Pancy，我當年IT公司俾我Partner拎走左$58萬，一夜之間乜無唒，我處理完IT公司嘅野，心灰意冷走左去加拿大讀書，我無諗過一去到果邊就跌左電話，亦可能俾人偷左，無哂D contact，我當時身上已經無乜錢啦，唔可以即刻返香港，唯有喺果邊買電話卡。所以同你地失左聯，至於Josephine，因為我朋友當時做玩具廠想畫IP，我俾左前期錢佢之後，畫左一部份公仔之後，我朋友死左，因為吸毒，因為件事太突然，成個projectterminate 左，唔可以繼續落去。我唔係香港果幾年，對唔住，後來我返香港生小朋友，一個人照顧佢，生活比較困難所以無時間去揾你，但我唔希望我地之間因為誤會，無左個朋友！

陳佩思收到何小姐的DM後，亦有公開回覆她，表示失蹤及停用電話理由太牽強，故此不接受解釋：「睇完佢message時候，我有十萬個疑問，你當時話你冇錢？Josephine人工係付出佢血汗，你做一盤生意，你係僱主就要有責任承擔，而唔係將你問題放落僱員承擔。」陳佩思更表示何小姐說自己之後去了加拿大讀書，這令她更生氣，因為加拿大生活指數很高：「跟住你仲要話，之後走咗去加拿大讀書，你知唔知買張加拿大機票有幾貴！加拿大讀書有幾貴！加拿大生活有幾貴！咁荒謬事情你都講得出，點叫人相信你，你仍然用大話同我講，用一個大話掩蓋你另一大話。」

陳佩思於網上見到有其他苦主表示同被走數，而何小姐向苦主稱自己只是股東與自己無關：「Cody，唔好再用一同技倆呃人！我而家send呢條片出嚟，我係公眾人物，是就說是，不是就不是，係嗰句就講嗰句，我唔希望因為呢刻佢係網紅，俾佢爆咗出嚟『正義女神』，跟住用呢個名搭棚，唔希望有更多媽媽受害，我有責任講呢件真實經歷。」

除了陳佩思外，連Josephine都有留言︰「係訪問度唔係話你當時一日打幾份工儲錢去加拿大，儲到錢去加拿大，冇錢還比我？」何小姐見到後立即回覆她「Sorry Josephine，你whatsapp 我，我Partner當時拎走哂公司D錢，我最近揾到佢，佢會入埋尾數俾你。」但是，何小姐才剛剛跟陳佩思解釋因為玩具廠的Partner離世，才無法支付欠Josephine的餘款，何小姐的言不對後語讓不少網民都覺得完全是「八點檔」的劇情，勁狗血。

Josephine繼續回應何小姐︰「咩Partner？我從來對頭人只有一個，就係Cody Ho。」何小姐不停叫Josephine私底下用通訊軟件找她，但被Josephine公開拒絕：「有咩喺度講！」