「東張女神」俞可程早前做激光矯視後發生問題，需要再做手術重鋪眼角膜。今日（01/11）她為一個活動擔任主持，接受訪問時表示，做完手術後經已康復，且不再需要戴眼鏡。

俞可程：「而家好返晒啦，不過因為做完都係一個月多啲，所以容易攰口埋眼乾，同埋對光敏感啲。（而家使唔使戴眼鏡？）唔使，而家望得好清楚。」問到當時得知要做第二次手術時，都表示相當擔心：「我驚如有第二次之後，再有第三次會點樣，會唔會做咗呢個手術之後，原本只不過係深近視，但係而家會影響埋我視力，我諗到好遠就好驚。嗰日做完全程唔敢擘大眼，最後好彩都冇事。」