梁競徽近年主力北上發展，早前突然在社交平台宣布與高鈞賢、沈震軒、黃長興、黃嘉樂組成「好犀利男團」（Give Me Five）。不過在男團企劃中又用回「梁烈唯」，網民對他「彈出彈入」的舉動感到好奇。

今晚（3/1）梁烈唯現身荃灣出席《仁濟慈善盆菜宴》。對於名字經常有變「彈出彈入」，梁烈唯接受《香港01》訪問時搞笑地說：「我就係要你哋傳媒辛苦。其實嗰陣時改係因為我爸爸身體有啲問題，跟住有高人指點，就係咁改咗。改咗又好似OK喎，自己好似又OK喎。當人一路長大經歷呢個歲數，開始想認祖歸宗，於是返咗自己個鄉下惠州博羅嗰邊條村，返去做返一個認祖歸宗儀式。所以就用返自己呢個名，而屋企人都好贊成。」

梁烈唯續說：「我好感謝梁競徽呢個名，畀咗我一段唔同嘅經歷，咁我而家用返我自己個本名，好多朋友都好開心，因為好多朋友都話叫唯唯咪幾好囉，因為親切啲。」