TVB《萬千星輝頒獎典禮2025》今日（2026年1月4日）於澳門舉行，倪嘉雯奪得「最佳女新人」獎。倪嘉雯得獎後接受傳媒訪問，直言自己以見世面的心情出席，未曾想過自己會得獎，感到十分驚喜！

倪嘉雯：「我而家好似發緊夢咁呀！今日嚟冇諗過會攞。」她在訪問中，補充想多謝當初邀請她加入的幕後，兒童節目的文哥以及家人。她坦言，自己是家中的長女，理應負起照顧家庭的責任，但責任卻落在弟弟身上。「返到屋企有碗湯或者嘢食，呢啲說話好少會面對面講，本來想頭先上台講，但係唔夠時間。希望透過呢個訪問，都想多謝佢哋。」