古天樂今晚（4日）到澳門為ViuTV《全民造星6》擔任評判，節目開首司儀強尼逐一介紹今晚評判，當介紹到古天樂時，他說：「特別多謝古生，因為你近排風塵僕僕去謝票，同埋身體好嗎？」不過台下的古生說：「你講咩呀？聽唔到你講乜？」古天樂隨即將名牌反轉，原來還有一個名牌寫著項少龍，在場觀眾即時尖叫。

強尼見到「項少龍」即說：「項少龍因為你髮型顏色由白變咗黑，我啱啱都要幾秒時間先可以肯定到，項先生我都肯定你有好強的穿越能力，除咗你嘅角色之外呢，近排你不斷做宣傳謝票啦，好似一秒間都走來走去，你嘅穿越能力非常強勁，駛唔駛表演一次畀我哋睇？」

古生反問：「我想問你我穿乜呢？」強尼都被古生這一著考起，慢了一下，隨即說：「穿⋯⋯穿咗每個人嘅心啦，呢套劇、呢套戲，貫穿咗我哋20年，由電視走到電影，貫穿咗我哋個心。」古生再考強尼：「咁我越乜呢？」強尼：「越就應該係⋯⋯《尋秦記》應該好有機會超越香港電影票房所有歷史紀錄。」