今日（11日）一集的《東張西望》講到「地鐵磨柱男」又出現，觀眾陳小姐「報東張」指6日的時候，乘坐荃灣綫接近尾班車時段遇到「磨柱男」，「磨柱男」在她面前把玩自己的下體，令陳小姐感到噁心。

陳小姐表示當日自己一個人坐在地鐵上玩手機，「磨柱男」突然出現：「有個男人行埋嚟我正前方，遮住條柱，然後佢就喺度做一啲疑似係猥褻行為。咁我就望到隻手就摸住佢下體，捉住佢運動褲入面嘅身體部位喺度磨擦，跟住就露出咗個形狀出嚟。」陳小姐見到後馬上指著他大叫：「你喺度做乜嘢？」

「磨柱男」馬上停手默不作聲，裝作沒事發生，到下站便衝下車，陳小姐指他：「開頭有啲陶醉，可能想觀察我驚嘅反應或者我冇得反抗。」最後「磨柱男」沒想到陳小姐會喝止他的行為，但其實在去年9月，已經有網民在社交平台揭發他的惡行，不少接受《東張西望》訪問的女生看完後都感到很不雅及噁心。