陳家樂與老婆連詩雅今日夫婦檔參加渣打香港馬拉松2026，兩人一齊起跑一齊衝線，以1小時09分28秒成績完成10km賽事。今次是兩人首次一起參加馬拉松，上年原本兩人都報名參加了，但家樂在比賽當日病了跑不到，今年終於可以一起來跑。不過其實連詩雅也病了，家樂說：「因為BB病咗，傳染咗畀老婆，老婆都係啱啱發完燒。」 問到為何病了都要來？連詩雅說：「上年錯過咗，今年想一齊跑，唔係又再錯過一年。」

BB因生病未能來看衝線

問到成績是否滿意？連詩雅表示：「今年快咗幾秒。（你哋之前有無一齊跑步？）為咗今次馬拉松有一齊練幾個月，拉埋啲兄弟一齊練。」陳家樂說他們原本有諗過帶BB來睇他們衝線，但BB病了，便沒有帶她來。連詩雅說：「希望下年可以帶BB嚟，都想參加半碼，又或者去其他跑10km。」陳家樂說：「一步一步嚟。」兩人又表示今天的打扮已算是情侶裝。