TVB 小花游嘉欣近日是非多多，繼她與吳若希、戴祖儀一同合作的綜藝節目《尋歡作樂的姐姐》，有傳吳若希與戴祖儀不滿游嘉欣表現而杯葛對方，令她因壓力下哭出來。最近與她合拍新劇《非常檢控觀》的吳偉豪又在電台節目爆料雖然在劇中與游嘉欣組CP，但現實形同陌路，吳偉豪更直言：「冷淡到以為我做錯嘢！」

吳偉豪電台爆料合作完變陌生人：我做錯咗啲咩？

節目中，吳偉豪講道：「我覺得佢係一個非常之被動嘅人，你唔去接觸佢，佢唔會接觸你。好記得去節目巡禮，套劇已經拍完，見到佢講HI嘉欣，佢真係點下頭HI就咁。（好似唔識咁樣，合作完。）我係咪做錯咗啲咩？我哋唔係同事嚟嘅咩？」對此，游嘉欣在IG激動澄清：「笑死我，你講到我好串喎，你HI完唔開TOPIC我點接先?」