2月14日情人節，本來是情侶放閃的大日子。在香港，男士們例牌要在花墟大出血買鮮花禮物，女士們則準備朱古力共度佳節。但世事往往比劇集更峰迴路轉！講到情人節的「世界級災難」，就不得不提 2014年無綫（TVB）晚間新聞的經典神作——「陰謀男買兩扎花」新聞。這位仁兄竟然在全港觀眾面前自爆買了兩束花⋯⋯令一眾男士看完都忍不住為他的默哀一分鐘。

花墟突擊訪問　意外踢爆「一腳踏兩船」？

畫面開始，鏡頭對着一位剛從花店走出來的藍衫男，新聞記者發揮了尋根究底的本性，立即問：「做咩事呀？送畀邊個唔講得？」而這名男人又「鬼打牆」一般回答：「冇冇冇，我老婆唔知㗎。」原來藍衫男買了兩束花！而藍衫男又居然受訪，續說：「呢個唔可以曝光㗎因為。」記者又問：「點解會送兩扎㗎呢？」藍衫男似乎對問題感到震驚，瞪大了眼，說：「你，你仲講？！」藍衫男急急補鑊：「兩扎唔得㗎，唔可以講兩扎。我幫人買，因為。呢扎先係我老婆嘅，幫我生咗兩個小朋友，咪獎勵吓佢啦。」不知道11年後的今日，「陰謀男」你還好嗎？