曾參選香港小姐競選「40億千金」的蔡頌思（Jocelyn）今日（14/5）現身柴灣出席舞台劇《老公你好悶》記者會。對於外間一直稱呼她做「40億千金」，她感到抗拒：「其實做嘢方面係會難咗，因為啲人可能怕我唔捱得，而喺感情方面又唔係咁着數，啲男仔又會覺得我好難高攀到，所以感情係有啲阻滯。講真以前真係唔係咁鍾意人哋咁稱呼我，怕人哋會有先入為主嘅印象，變咗我做幾多嘢，啲人都會睇唔到，不過最後我都學識接受呢個身份。」