鄭中基（Ronald）今日（9/6）現身圓方出席電影《遺愛》首映禮。提到電影以一個橫跨兩代的真實悲情案件作藍本，拍出被遺棄的年輕人的內心掙扎，控訴無情社會不斷製造悲劇，Ronald表示：「其實我喺呢套電影裡面嘅角色係好沉鬱，又加上真人真事，自己睇完個單案真係覺得好慘，咁所以每日拍呢套戲嘅時候，心情係好沉重，所以返到屋企嘅時候，都會少咗同屋企人傾偈，反而我會即刻上床瞓覺，唔想自己胡思亂想喺度諗個案情。」