簡淑兒（Jessica）今日（15/6）現身電視城出席無綫劇集《一笑渡凡間》宣傳造勢活動。提到在劇中打算除衫色誘蕭正楠，竟被對方施展內功推走，再施行法力穿回衣服，瞬間變成美少女轉身變畫面，就這一段劇情已勾起很多視迷的童年回憶。Jessica表示：「其實我有睇大家畀我嘅留言，而我睇返呢幕自己都覺得好好笑，可能導演知道我本身係《美少女戰士》嘅粉絲，所以就幫我加插呢一幕，幫我去完成美少女戰士呢個夢，本身呢套都係一套笑片，都想拍出嚟畀大家笑吓！」