溫碧霞（Irene）今日（30/7）於中環舉行生日派對，獲不少圈中好友到場祝賀，場面非常熱鬧。Irene表示：「上年因為疫情關係，加上自己又想低調，所以就冇搞生日會。不過見而家疫情穩定咗好多，所以就搞返，真係好開心。係因為好耐都冇喺香港過生日，而且好難得可以見番好多好耐冇見嘅朋友。因為平時都要拍戲，搞到冇時間同啲朋友聚會。（收到咩禮物？）今日係正日，所以收到嘅禮物都未拆，連老公所送嘅禮物係咩我都仲未知。」