黃榕（Gloria）今日（7/8）現身銅鑼灣出席「柬埔寨華商總會」創會慶祝活動。早前Gloria參加健美比賽勇奪冠軍殊榮，現在講起心情仍然激動：「其實真係超好開心。個日喺台上面準備宣布冠軍嘅時候，淨番我同另一個選手，我心諗唔會又係攞亞軍呀？點知大會宣布亞軍得獎係另對方嘅時候，我啲眼淚好想流出嚟，但我係咁死忍住，唔想喺直播面前喊出嚟。」

Gloria笑言玩健美比賽自己都要付出代價，就是上圍大縮水：「因為嚟近我又要準備另一個健美比賽，所以教練要求我可以再乾身啲，再爆肌啲上台比賽。不過，見到自己胸肌操到拉晒絲係超開心，而教練就成日笑我上圍已經唔見咗，仲問我有冇興趣隆胸，其實我亦知道好多健美小姐都有隆胸，但我諗我唔會喇。」