早前熱播的ViuTV遊戲節目《膠戰》中，擔任主持之一的劉沛蘅（Hillary）相當亮眼，第二季《膠戰2》正拍攝得如火如荼，Hillary繼續跟原班人馬主持人玩到癲，Hillary說：「好期待，9月就出街嘞。而家一邊拍《膠戰2》，一邊接多啲唔同嘅廣告，搵多啲錢，但自己最想都係拍戲，因為好鍾意演出，最想當然係拍青春劇，雖然已經唔青春，但個樣都呃得下人㗎！銀幕初吻一早冇咗，而家唔想太激情，想演青春劇就好，哈哈！」

Hillary向來也深得廣告商歡迎，最近她便接拍了一個安眠健康產品廣告，拍攝時Hillary全程睡在床上，非常寫意，Hillary笑說：「今次好開心，可以瞓住嚟拍，其實拍攝前一晚都唔係太瞓到，因為我每逢有工作都會緊張到瞓得唔好，喺拍攝時佢哋叫我唔好食嗰粒安眠產品，我又諗住唔好嘥所以吞咗，點知好快就想瞓覺，喺佢哋Set緊燈嘅時候我就真係瞓着咗，真係好Work。」