今屆港姐馮盈盈真係腳頭好，大年初一就中咗獎，贏到足金金雞。她在台上得知自己中獎，立即O到個咀圓一圓，表示驚訝。她事後表示：「由細到大都冇咩中獎運，知道自己中咗獎，我自己都唔係好相信，所以O晒咀！」馮盈盈就希望雞年真係可以行大運，工作都可以順順利利。

馮盈盈今次做主持，表示非常緊張。未開show前已經瘋狂背稿，背到身邊同事都叫她冷靜啲，「佢哋見到我一字不漏咁背，都覺得我過份緊張。」馮盈盈話在台上都有爆幾句肚，不過期間好似被金牌司儀之一的崔建邦指點幾句，她表示對方都好善意地教導自由：「始終自己都仲係新，仲未掌握得好，佢都有鼓勵我，畀啲心得我，我都好多謝佢。」