節目巡禮｜Bob被封免費「金牌媒人」　爆單身女藝人叫介紹對象

TVB（無線電視）年度盛事《無線節目巡禮2022》今（22日）在電視城舉行錄影，藝人林盛斌（Bob)亦有盛裝出席，擔任大會司儀之一，向廣告客戶介紹TVB來年推出的節目。

而早前Bob就被傳媒封為「金牌媒人」，事關他多次撮合不少男女，而最近一對就是張秀文同「金融才俊」王大權。對此問道對方有沒有以甚麼方式報答，他就表示：「唔使搞呢啲嘢。啲人成日問你係唔係收媒人費？從來冇收過，從來冇要求過。」揚言被撮合的朋友對他最好的報答就是要相親相愛，幸福快樂就可以。

既然Bob有「金牌媒人」這個稱號，不禁令人覺得他手上有不少有家底、富二代的單身男性朋友。對此Bob表示自己只是喜歡認識朋友：「唔一定係唔係富二代，首先係個人好唔好。我自己出去識新朋友直接問「你結咗婚未？你有冇拍拖？」冇呀，mark低佢哋電話，我要了解佢哋多啲，需要咩人咁。」聽他這樣說手上的筍盤一定不少。

而他亦爆出有不少身邊單身的男、女藝人朋友都向他介紹對象，Bob表示：「有一個女藝人佢Send Massage俾我，「你又話介紹？呢個幾好又唔介紹。」但人哋已經有伴，我話唔緊要下個，等等我。」看來他這個「金牌媒人」已經得到圈內人肯定。