去年四月開台的ViuTV，除主打實況娛樂，其中清談節目《晚吹》系列亦深受歡迎。鄧洢玲、王貽興、余迪偉、駱振偉、梁奕倫等節目主持人今日於旺角出席《晚吹》記者會，大會更邀請久未露面的陳靜(dada)擔任特別嘉賓。

Dada表示自己是《晚吹》的粉絲，每逢節目出街都會捕實。而今天現場亦有一位小妹妹到場支持她，講嘅就係姨甥女小饅頭。Dada直言好鍾意兼好恨有小朋友，當被問到該台現正拍攝《全職媽咪放大假》，問到Dada會否自薦？她笑言若果電視台邀請都會考慮，透露自己想試下湊仔仔，「我自己好想生一男一女，姨甥女基本上由細睇到大，好乖。想試下挑戰湊仔仔會點。」

提到剛過去的農曆新年，Dada表示自己有去求籤，「好開心係上籤，各方面都好順利。」既然順利當然要問下桃花，她透露身邊暫未有追求者，咁今年情人節咪無人一齊過？Dada笑言同家人過都開心。至於未來的工作計劃，Dada表示接下來先休息一個月，之後就會投入電影工作，「今年會開一部講我自己嘅電影。(會做編劇？)今次唔會，都想試下但自己歷練未夠豐富，希望將來有機會。」