姜濤維園打籃球同人爭執 「籃神」羅天宇認EQ高：唔會同人嘈！
撰文：吳子生
出版：更新：
羅天宇透露甚少打街波。（梁碧玲攝）
日前網上瘋傳一條片段，以「姜濤在維園球場與人產生爭執，姜濤大戰惡漢」作為標題，片中一名疑似姜濤的男子，以全身黑色打扮於籃球場上與2名男子扭作一團死攬住個籃球碌地。期間，疑似姜濤的男子被壓住狀甚痛苦，但仍誓死攬住個藍球不放，但最終不敵對方，被他們順利搶走籃球。
自小愛好籃球運動的羅天宇今日（9/11）出席無綫新劇《十月初五的月光》宣傳活動時，接受《香港01》訪問時說：「其實自己好少會打街波，多數都係自己朋友打多，因為自己朋友就會就住打，加上自己都一打年紀同𡃁仔打真唔夠人哋打，咁所以都唔會點打街波，怕自己容易整傷。不過以前自己後生都會好認真咁去打街波，因為如果輸咗，輪嘅時間就會好長，不過好彩我就冇同人發生過爭執。（自己EQ算係高？）Ok㗎！（如果畀人惡意傷害，會唔會同人嘈交？）唔會喇，同埋我哋都有經歷，好少對出面啲人。」
羅天宇今日出席無綫劇集《十月初五的月光》宣傳活動。（梁碧玲攝）