憑「試當真」短片爆紅的女神吳家忻（@kayan9896）周五（12日）出席時尚品牌活動，提起與MC $oho & KidNey合唱之歌曲《係咁先喇》全城熱爆，日前更獲邀出席叱吒樂壇頒獎禮記者會，對於獎項她直言：「梗係有信心！（贏MIRROR？）其實冇，但我想！」kayan更透露正準備以Solo之姿進軍樂壇，並已經蓄勢待發：「詞作好咗80%，差錄音，等我！」問起會否找男朋友Locker（林家熙）擔任MV男主角，她笑言：「唔知佢肯唔肯出演我MV。」至於其他人選，她就第一時間想起姜濤，乜唔怕Locker呷醋？她說：「唔驚！而家係為藝術。」

＠kayan9896又真係幾靚女：