模特兒陳嘉儀（Tracy）人美心善，連續多年推出慈善個人月曆，今年亦不例外，最近已推出2022年月曆。雖然Tracy非常Fit，但她仍然在拍攝前找來私人健身教練鍛鍊線條，她亦透露月曆都由她親手設計，頁面加了磨砂片，張張相都性感。談到銷情甚佳，她說：「而家加印緊，好感恩！我都好開心可以盡小小嘅綿力可以帶動大家一齊慈善，所有月曆善款將不扣除成本，收益全數撥入慈善用途，上年收益是助養兒童，今年都一樣，其實呢兩年疫情期間，我最疼錫嘅嫲嫲爺爺都去世，令我對生活嘅想法同對待生活嘅態度都改變好多，希望大家都珍惜一直喺你身邊嘅親人、朋友、另一半，盡自己能力幫助有需要嘅人，快樂就係咁簡單。」問之後會否繼續出寫真月曆？她坦言未必，因為想抽點時間陪家人：「有新消息會通知大家！」