TVB(無綫電視）台慶劇《星空下的仁醫》今（16日）在紅磡都會商場舉行宣傳，參演之一的周家怡亦有出席，對於劇集成績獲得觀眾肯定，她在接受《香港01》訪問時就表示：「都好開心台前幕係個個都好俾心機去做。同埋好多醫生同護士幫咗好多好多。」

對於自己相隔近10年再重返TVB拍劇，近年又在ViuTV有多部作品推出，被部份人批評食兩家茶禮，對此她就看得好開：「我諗大家可以着重返依家可以多啲製作多啲唔同嘅平台，就算唔係電視台都係對我哋台前幕係一件好事。」

既然遊走兩間電視台，被問到日後會同ViuTV合作多些還是TVB呢？周家怡揚言：「其實我覺得最重要係睇個團隊，劇本係好緊要嘅。睇成個製作。不過我諗咩平台唔係最重要.。（ViuTV拍戲舒服啲？）其實差唔多都一樣，依家因為佢哋依家用一個新嘅模式12個鐘一組，其實大家都係一樣。」看來劇本才是最重要的考慮因素。

另外，感情世界備受關注的她，問道感情問題時，她就二話不說：「就吉咗好多年喇！唔睇韓劇個陣好啲，唔睇愛情戲就冇咁想拍拖，睇嘅時候有陣時會覺得寂寞囉！ （點化解寂寞？）喺屋企打座、睇書。」希望周家怡能夠快點遇上真命天子，愛情事業兩得意喇！