黃宗澤(Bosco)同日藉女模Jun因多次合作而成為好友，更不時被影到一齊行街買餸，都幾sweet架。本著「郎才女貎」的原因，所以新一輯廣告兩位又再合作，Bosco今次騷肌之餘，重玩埋濕身……再加上由於廣告係講述Bosco與Jun兩位於胎盤中的初生BB，發現對方的幼嫩肌膚相當好奇，所以有不少互相觸摸的親密鏡頭，呢個job又真係幾開心咁喎。之不過，由於Jun日理萬機的關係，所以趕搭最後一班凌晨機來港，拍輯完畢又要立即趕回日本，舟車勞頓的她雖然疲倦，但毫無怨言，怕且係因為有Bosco在場的關係。

對於自己在廣告中又吹風又落水，Bosco就話：「拍落水戲真係好難，難在演員在出水入水嘅姿態好難掌握，就好似出水之後嘅髮型，或者有水喺塊面流過嘅位置都要配合好。因為拍廣告講求每個鏡頭都完美，同拍戲講求寫實嘅要求好唔同，所以短短幾秒嘅鏡頭，我地都要拍好多次先至拍到滿意嘅效果。」可以喺Jun面前盡展man味，辛苦少少又有咩所謂!