張秀文爆未婚夫兩度提出送豪宅新盤　稱太貴拒絕：第日揀啱先算啦

現年34歲的張秀文上月在社交平台上載婚紗相宣布婚訊，明年下嫁拍拖一年的圈外金融才俊男友王大權（Billy），Billy被指是富二代且年薪高達千萬，經常出入馬場，絕對是城中筍盤。公屋出身的張秀文被指嫁入豪門，她日前接受傳媒訪問時更透露未婚夫Billy兩度主動提出送樓，助她一圓業主夢！

張秀文被問到收多少禮金時，她稱男方想給多少都無所謂，但就強調結婚並非交換條件，更自爆未婚夫Billy曾主動提出送樓：「話睇過我做《我要做業主》嘉賓好想幫我達成置業夢，我就大笑推說『節目嘅嘢你都信？』其實我真係想有磚頭，但唔係靠人哋送。」雖然張秀文拒絕收樓，但未婚夫Billy之後留意到黃竹坑一個豪宅新盤又舊事重提，但張秀文因為覺得太貴而繼續拒絕並指自己不心急要磚頭：「第日揀啱先算啦，可能將來家庭多咗人口要搬呢！」她更透露目前已進駐男方豪宅，但間屋目前仍未加她的名字：「佢見我乜都冇就話『𠵱家結婚將我送畀你，我有嘅嘢，有一半都屬於你！』呢句真係幾感動嘅。」