亞姐林海茵今日（13/12）現身灣仔出席電影選角活動，更即場神婆上身，手執拖鞋跪在地上，邊念口訣邊示範「打小人」，果然有姿勢有實際。林海茵笑言：「其實我係冇經驗，係未打過小人嘅。而之前我喺街度行過，我係有諗過想打嘅。因為之前我男朋友又唔理我，又被分手變成失戀，當時情緒又唔好，冇地方宣洩，嗰陣時我係有諗過去打小人發洩一吓。但最終我係冇去做到。其實我有一段時間成日唔舒服成日病，令到我好驚，究竟自己係咪被打小人，不過，最後都無法求證的到，病情不了了之。」