MIRROR 昨晚（25日）現身《全民造星IV》總決賽，除獻唱《BOSS》之外，亦首次跳唱新歌《12》。

完騷後，12子齊齊接受訪問，對於早前獲《Variety》被評為「2021年國際突破之星」，姜濤表示：「其實都開心，無論係自己定係香港嘅音樂人拎獎都開心，而且今次係國際性，尤其係自己拎，希望香港樂壇會愈來愈好。」隊長Lokman 補充表示「用作品說話」。

而勇奪韓國MAMA「最佳新人亞洲歌手」嘅Anson Lo （盧瀚霆）除了感到驚喜之外，亦感謝三年來不斷給予他以及MIRROR機會的所有單位。「呢啲機會令MIRROR得到更多應可，希望之後有更多人睇到MIRROR嘅跳唱作品。」

香港樂壇頒獎禮舉行在即，MIRROR 四位成員呂爵安（Edan)、陳卓賢（Ian ）、姜濤及Anson Lo在「我最喜愛男歌手」夾擊張敬軒，四子笑言無論到時邊個贏咗都會請食飯，姜濤聞言後表示：「我印象中Edan未請過。」AK（江熚生）附和表示「我想睇佢喊多啲。」似似十分期待Edan在台上的感人宣言，而Edan就話「有機會我一定請。」