徐頴堃（Erica）和張丹蕾（Dana）最近為網上節目《攝導行》演出，兩人日前更拍攝時更不畏寒風在工廈天台以六個造型性感上陣，而她們換服裝、重新化妝連拍攝都連續用了整整十二小時，非常敬業。剛在內地拍劇回來的Erica表示：「睇住化妝師逐粒逐粒真花黐上去，去切合番今日主題──『朝花．夕月．萬紫千色』，比喻世界好似花一樣五光十色、多姿多彩，人又好似花咁綻放。我自己都好少Carry一啲咁Vibrant、咁Bright嘅顏色，所以我都好滿意呢幾個Image。」Erica笑言靚是要付出，故花上整整十二小時也不覺辛苦︰「每個細節要非常講究，所以花嘅時間會比較多，我反而非常享受，因為呢啲機會相當難得。」

而最近由模特兒轉型、開始參與更多戲劇工作的Dana則表示：「以前有不同拍攝工作，都會試到很多唔同造型，但今次好有新鮮感，換咗三套繽紛的靚衫，係三隻好Sharp嘅顏色，個妝容不停換就不停有驚喜。個拍攝過程都玩得好開心，因為可以參與到好唔同嘅拍攝，好Fashion，拍咗好多動態嘅動作。同導演首次合作，發現佢好Nice、而團隊每個人好認真，（攝影師）李志華非常專業，引導我好容易投入、拍得更靚。」