繼年初喺叱咤頒獎禮上性感一現之後，陳蕾又有力作！今日佢喺IG發文表示凍完冇耐，趁有陽光外去活動，順手sell埋H&M嘅新衫。一件窩釘牛仔外奪，內襯一件如肚兜嘅絲質上衣，話明似肚兜，真係多少少肉都搞唔掂。之不過，陳蕾就完全冇問題，側身之餘，仲擺出大鵬展翅嘅甫士，完美線條盡現。照片上載之後，除咗有唔少網民留言激讚之後，連廖子妤都留言表示：「惹火」。陳蕾呢輯相，共唱片公司華納高層IG亦有轉載，不過就用黃心大心心EMOJI將陳蕾嘅美好身段完全遮蓋，仲留言表示：「高層幫大家處理咗啦」十分好笑。